Bi mutil gazte atxilotu dituzte Bizkaian emakumeen kontrako erasoengatik

Ertzaintzak 25 eta 29 urteko bi gizonezko atxilotu ditu azken orduetan, emakumeen kontrako erasoak leporatuta.

Atzo arratsaldeko ordubatak inguruan dei bat jaso zuten Balmasedako etxebizitza batetik, pertsona arrotz bat etxe horretara sartu zela salatuz. Esandako lekura joan zirenean emakumezko batek ireki zien atea; gizonezko bat zegoen berarekin, eta biek arropa hautsita eta zauri txikiak ageri zituzten. Emakumeak azaldu zien harreman labur bat izan zuela mutil horrekin, eta bera irtetzera zihoan unea baliatuz baimenik gabe etxera sartu zitzaiola. Ondoren, liskarra izan zen bien artean.

Bart goizaldeko ordubatak aldera, berriz, Galdakaotik jaso dute deia. Esandako lekura iristean, emakume atek agertu die eztabaidan ari zirela lepotik heldu diola senarrak. Hainbat arrasto ageri zituen andreak, eta, ondorioz, senarra, atxilotu egin dute.