Gazte Eguna izan zuten ostegunean Mendillorrin, eta hainbat ekitaldiren artean, kalejira zuten antolatuta. Jaia bete-betean zela Espainiako Polizia azaldu zen, eta, jaia baimendua zegoela ziotenen ahotsei entzungor eginez, bertan zeudenei oldartu zitzaizkien. Ondorioz, bost gaztek erietxera joan behar izan zuten, zauriak artatzera.
Espainiako Gobernuko ordezkari Carmen Alba egin zuen gertatutakoaren erantzule gazte mugimenduak, eta Poliziaren oldarraldia salatu zuen. Bide batez, gezurtatu egin zuten erasoaldia eurek eragin zutenik, eta Poliziaren jarrera "guztiz zentzugabea" izan zela gaitzetsi zuten.
