Gas leherketa bat gertatu da goizean Getxoko Algorta auzoko (Bizkaia) kafetegi batean, Alangobarri kalean, 10:30 aldera. Getxoko udaltzainak, ertzainak eta suhiltzaileak han dira lanean. Orain arte zabaldu duten informazioaren arabera, bi zauritu artatu dituzte, eta eztandak kalteak eragin dizkie eraikineko etxebizitzei eta kale horretako dendei.
Eraikina egurrezkoa eta hormigoizkoa da, eta hustu egin dute dagoeneko; suhiltzaileak aztertzen ari dira etxeek zer kalte izan duten.
