Atzo goizean gertatu zen ezbeharra. Eusko Jaurlaritzako Segurtasun Sailak jakinarazi duenez, bi lagun itsasotik atera zituzten Zarauzko hondartzan, surfean ari zirela. Jaurlaritzak emandako xehetasunen arabera, uretan zirela arazoak izan zituzten biek, eta beste surflari batzuek lagunduta heldu ziren itsasertzera.
Larrialdi zerbitzuek artatu zituzten, baina ezin izan zituzten onera itzuli, eta biak hil ziren.
Efe agentziak Zarauzko surf eskola bateko kideei galdetuz zabaldu duenez, olatu handiak zeuden eta bi surflariak ez ziren ezagunak Zarautzen. 44 eta 46 urteko bi anai dira hildakoak, Iruñekoak.
Zorigaitzeko albiste beltza: bi surflari hil dira. Gorpuak identifikatu nahian ari dira oraindik hondartzan #Zarautzpic.twitter.com/asV5KcRp5U
— Zarauzko Udala (@ZarauzkoUdala) October 5, 2014
