Datorren ostegunean egingo dute lan mundua euskalduntzeari buruzko konferentzia, Arrasaten. Bertan izena emateko epea bihar amaituko da, eta antolatzaileek bideo bat egin dute egitasmoaren berri emateko.
Kontseiluak prestatu du osteguneko biltzarra. Lau ataletan banatu dute egitaraua: Euskaraz lan egin nahi dut, Euskaraz erosi nahi dut, Euskaraz saldu nahi dut eta erakundeen inguruko atal bat. Azken horretan, Arabako, Bizkaiko eta Gipuzkoako diputazioetako, Eusko Jaurlaritzako eta Kataluniako Generalitateko ordezkariak ariko dira hizketan.
