Abuztuaren 19an Bilbon desagertu zen 92 urteko gizonezko baten bila dabiltzala jakinarazi du gaur Ertzaintzak, eta herritarrei laguntza eskatu die. Jose Fernandez Ruiz izena du gizon hark, eta Mazarredo zumarkaleko 12.aren parean ikusi zuten azkeneko aldiz.
Adinekoak gorpuzkera arrunta du, Ertzaintzak dioenez, eta 1,60 metroko altuera eta 58 kilogramoko pisua. Ile zuri eta leuna dauka, baina buruaren aurrealdean burusoila da. Begi marroiak ditu.
Telefono zenbaki bat zabaldu dute: 944 063 588. Gizonaren argazkia www.ertzaintza.net webean ikus daiteke.
Gizartea
Bilbon desagertutako 92 urteko gizonezko baten bila dabiltza
Iruzkinak
Ez dago iruzkinik
Ordenatu
