Hezkuntza, hizkuntza eskakizunak, Txillida Leku, hedabideen diru laguntzak... gai ugari jorratu ditu elkarrizketan Bingen Zupiria sailburuak. Bihar argitaratuko da elkarrizketa osorik, eta bertan esandakoetako batzuk dira segidakoak, aurrerapen gisa:
- "Leku askotan, euskara hezkuntzaren hizkuntza da; ume askok ez dute aukerarik eskolaz kanpo euskara entzuteko eta mintzatzeko, eta euskarak hor gune berriak irabazi behar ditu"
- "Oso garrantzitsua da lanpostuen azterketa egitea, eta ez pertsonena: bakoitzak zer exijentzia daukan hizkuntza aldetik eta zenbaterainoko maila eskatzen duen".
- "Ni berdintasunaren diskurtsoan oso eroso sentitzen naiz. Hiritar bezala badauzkagu eskubide batzuk, eta modu berdintsuan tratatuak izatea nahi dugu".
- "Badago gure herrian bere burua elite kulturaltzat daukan giza mugimendu bat euskararekin eta euskaraz sortutako kulturarekin batere harremanik ez daukana eta mundu horri bizkar emanda bizi dena".
