Erantzun zabala jaso zuen atzo Felipe Borboikoa Espainiako erregeak telebistan koronabirusa dela-eta eman zuen mezuak; ez berak nahi zuen modukoa, ordea. 21:00etan, mezu instituzional bat eman zuen, eta batasuna eskatu zien herritarrei. Haren eskaerak, ordea, lapiko hotsa jaso zuen erantzun gisara. Sare sozialetan zabaldu zen mezu bati jarraituz, milaka eta milaka etxetan ordu horretan leiho eta balkoietara atera zen jendea lapikoa jotzera, protesta gisara. Ekimenak eskaera argi bat zuen: erregearen aitak Suitzan dituen 100 milioi euro osasun sistema publikora bideratzea, koronabirusari aurre egiteko.
Iruñean ozen aditu da Borboien kontrako eltzekada. Buztintxuri auzoan horrela @berriapic.twitter.com/2jg2Ca7nUr
— Ion Orzaiz (@IonOrzaiz) March 18, 2020
Duela gutxi jakin da erregearen aita Juan Carlos Borboikoak 100 milioi euro dituela ezkutuan Suitzan. Zenbait hedabidek jakinarazi dutenez, Saudi Arabian Mecara doan abiadura handiko trena Espainiako zenbait enpresak egin dezaten esku hartzeagatik jaso zuen dirutza hori, ordainsari gisara. Diru hori osasun sistema publikora bideratzeko eskaera monarkiaren aurkako ekinaldi bilakatu zen atzo, eta errepublikaren aldeko oihuak ere entzun ahal izan ziren. Sare sozialetan #coronaciao eta #erregeakanpora traolak nabarmendu ziren. Herri txikietan eta auzo handietan, asko izan ziren Espainiako erregeak bere mezua zabaltzen zuen bitartean lapikoa jotzea erabaki zutenak.
Uste nuen nire auzoan bakarra izango nintzela lapikoa astintzen, baina txalaparta saio ederra antolatu dugu #CoronaCiao
— Gotzon Hermosilla (@GotzonH) March 18, 2020
Konfinamendu egun hauetan leiho eta balkoietatik ari dira herritarrak euren nahiak adierazten. Azken egunetan, 20:00etan, ohikoa bihurtzen ari da osasun langileei txalo egitea. Espainiako erregeak ekinaldi hori txalotu zuen, eta bat egitera deitu zuen. Babesa adierazteko bezala, ordea, gaitzespena adierazteko atera ziren atzo 21:00etan ere. Ekinaldiak arrakasta izan zuen Euskal Herrian, eta baita Espainian, Herrialde Katalanetan eta Galizian ere.
Kuria Kalea, Iruñeko Alde Zaharra. Calle Curia, Casco Viejo de Iruñea. #CoronaCiao#erregerikez#erregeakanpora#CaceroladaRealpic.twitter.com/9CwyHj5yIA
— Floren Aoiz (@elomendia) March 18, 2020
Borboiak kanpora!#CoronaCiao
— Nay Ø (@NayGasteiz) March 18, 2020
ðŸ“ÂÂÂGasteiz pic.twitter.com/IhfVHCIzPh
Orexan ere kazerolada egin berri dugu #Erregeakanpora#CoronaCiaopic.twitter.com/jmzUa98Yk7
— Eneko Maioz (@emaioz) March 18, 2020
Barcelona tonight.
— Juan Miguel Garrido (@Juanmi_News) March 18, 2020
Brutal.#CoronaCiao#CaceroladaReal#NiVirusNiCoronapic.twitter.com/JAK7kK8noF
Zaragoza.#CoronaCiaopic.twitter.com/bzNZI9OtBR
— David Marteles Soro (@MartelesSoro) March 18, 2020
