Bizi arteko zigorrik ez! lelopean ehunka lagun bildu dira gaur Zornotzan (Bizkaia), Jose Mari Sagardui Gatza euskal presoa aste honetan espetxetik atera dela baliatuz egindako deialdian. Amnistiaren Aldeko Mugimenduak modu baketsuan manifestatzera deitu zuen. Deialdia jarraituz Zornotzako enparantza bete egin da.
Bilkurara hainbat ertzaintza ere gerturatu da, eta manifestariak lelo idatzita zuten kartelak eskuan lurrean eseri direnean horiengana gerturatu eta zortzi identifikatu ditu. Bat atxilotuta eraman dute; besteak libre geratu dira. Gatzak gurasoen etxetik ikusi du bilkura eta leihotik bildutakoak agurtu ditu.
