Donostiako Nazioarteko Zinemaldiaren 54. edizio honetan, Zuzendari berrien atalaz aparte, Zabaltegi sailak gaur egungo zinemaren ikuspegi zabala eskeiniko du. Zabaltegi-Bitxiak sailean lehiatuko diren filmak Sudance, Berlin, Cannes eta Veneziako jaialdietan aurkeztuak izan dira jada, eta urte honetako proposamen erakargarrienak dira. Zabaltegi-Bereziak sailean bost dokumental eskeiniko dira, horietako bi Euskal Herrian eginikoak.
Zabaltegiko filme-zerrendan guztira bederatzi filme eta bost dokumental eskeiniko dira. Zabaltegi- Bitxiak sailean honako hauek aurkeztuko dituzte: “Babel” (AEB), “Bamako/The Court” (Frantzia-Mali-AEB), “Belle Toujours” (Portugal), “Children of men” (Erresuma Batua- AEB), “Cronica de una fuga” (Argentina), “Little miss sunshine” (AEB), “Neil young/Heart of gold” (AEB), “Paris, Je T ‘aime” (Frantzia Liechtenstein- Suitza) eta “Vitus” (Suitza).
Zabaltegi- Bereziak atalean eskeiniko dituzten dokumentalak, berriz, hauexek izango dira: “Agian” (Euskal Herria), “Nomadak TX” (Euskal Herria),”El productor” (Espainia), “Noticias de una guerra” (Espainia) eta “La silla de Fernando” (Espainia).
Donostiako Zinemaldia
