Poliziak bost lagun atxilotu ditu bart Bilbon, Portugaleten eta Castro Urdialesen (Espainia), lapurrak izatea eta iaz Cambrils-en (Tarragona, Herrialde Katalanak) banku bateko langile bat hiltzea egotzita. Berri agentzien arabera, Ertzaintzak, Espainiako Poliziak, Guardia Zibilak eta Mossos d'Esquadrak elkarlanean egindako operazioa izan da, eta Bilbon hiru etxe eta jatetxe bat miatu dituzte, Portugaleten etxe bat eta beste bat Castron. Taldea "arrisku handikoa" dela diote poliziek, eta 50en bat lapurreta leporatzen dizkiete.
Hilketa lapurreta batean izan zen, joan den urriaren 25ean, Banco Santanderren. Langileak —Estela Calduch, 25 urte— tiro bat jaso zuen.
Atxilotu batek Bilbon ostatua du duela hilabete batzuetatik.
Poliziek hilabeteetako ikerketa egin dute, Erandion Ertzaintzak duen egoitzan. Elkarrekin egindako antzeko lehen operazioa da.
