irakeko hauteskundeak

Bozak kontatzen hasi dira Iraken

Atzo egin zituzten Iraken Saddam Husseinen agintaldiaren osteko lehen hauteskundeak. Hango Gobernuak segurtasun neurri zorrotzak jarri zituen indarrean, baina erresistentziak atentatuak egitea lortu zuen hala ere. Hainbat eraso egin zituzten hauteslekuetan, eta 35 lagun hil zituzten. Mehatxua eginda zegoen aldez aurretik, eta ez zen espero botua ematera jende asko joaterik. Hala ere, parte hartzea handia izan zen datu ofizialen arabera, %60koa hain zuzen ere. Nolanahi ere, hainbatek dudan jarri dute datu hori, eta parte hartzea txikiagoa izan dela diote. Orain, botuak kontatzen hasi dira, eta zeregin horretan astebete inguru beharko dutela iragarri dute.

2005eko urtarrilaren 31

15:13

Entzun 00:00:00 00:00:00

Erresistentziak hauteskunde horien kontra zegoela jakinarazi zuen, eta galerazteko saioa egingo zuten abisua eman. Atzo izan zen hauteskunde eguna, eta aurretik, hainbat hautesleku erasotu zituzten. Beraz, ez zen espero atzo bozkatzera jende asko joango zenik. Hala ere, jende asko joan zen hauteslekuetara (%60). Erasoak ere izan ziren, eta 35 lagun hil zituzten.

Atzoko bozen emaitzen arabera aukeratzen duten legebiltzarrak Irakeko Konstituzioa egitea izango du lan, eta konstituzioa egin ostean, berriz ere hauteskundeak egingo dira.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak