Sortuk deitu du manifestaziora, astelehenerako, hilketen urteurrenean, Santi Brouarden eta Josu Muguruzaren "ekarpen politiko eta militantea" gogoratzeko: "Borrokalari nekagaitzak, elkarrizketarako pertsona irekiak, pediatra bata, kazetaria bestea; buruzagi karismatiakoa, diputatua; independentistak, sozialistak; guraso, lagunak, burkideak: herriaren militanteak, finean".
19:00etan abiatuko da martxa Bilboko Arriaga plazatik, eta Zuen ametsen alde borrokan darraigu. Euskal Errepublika! izango da leloa: "Santi eta Josu Euskal Herriaren askatasunaren aldeko militanteak izan ziren. Ez zuten 78ko erregimena onartu, frankismoaren jarraipena dela uste zutelako. Ez zuelako sakoneko demokraziarik ekarri eta ez zuelako herrien erabakitzeko eskubidea aitortzen. Borrokaren aldeko apustua egin zuten, eta horregatik erail zituen Espainiako Estatuak".
