Europako Legebiltzarrean egin duen agerraldian, Barrosok uko egin dio ezkerrak eskatu bezala Buttiglione bere komisario taldetik kentzeari. Aldiz, "arduratsu" izateko eskarea egin die eurodiputatuei, eta berak proposatutako taldearen aldeko bozka emateko galdegin die.
Buttiglionek adierazpen gogorrak egin zituen homosexualen eta emakumeen eskubideen kontra, eta, horregatik, oso kritikatua izan da Barrosoren aukeraketa; batik bat, Askatasunen komisarioa izango dela aintzat hartuta.
Baztertzaile eta oinarrizko eskubideen kontrako jarrera duela dioten kritikak saihesteko, eskubide horiekin arreta berezia izango duela bere taldeak agertu du gaur Barrosok. Hain zuzen ere, Oinarrizko Eskubideen Europako Agentzia sortuko duela agindu du, bazterketa guztien aurkako araudi bat bultzatuko duela, eta bazterketa zehatzen kontra egiteko (xenofofia eta arrazakeriaren aurka, kasu) plangintzak eratuko dituela.
Europako Batasuna
Buttiglione kritikatua Askatasun komisario izateko hautagaitzan mantetzea erabaki du Barrosok
Homosexualen eta emakumeen kontrako adierazpenak egiteagatik kritika handiak jaso dituen Rocco Buttiglione italiarra Europako Batzordeko Askatasun, Segurtasun eta Justizia komisario izateko hautagaitzan mantentzea erabaki du Jose Manuel Durao Barroso Batzordeko presidente izendatuak. Trukean edo, Oinarrizko Eskubideen Europako Agentzia sortuko duela agindu du.
Iruzkinak
Ez dago iruzkinik
Ordenatu
