Igandeko udal eta foru hauteskundeei begira, BERRIAk mahai inguru bat antolatu du. Hauteskunde kanpaina, igandean izan daitezkeen emaitzak eta ondorengo balizko akordioak izan dituzte hizpide. Hiru hizlari aritu dira solasean: Eguzki Urteaga Euskal Herriko Unibertsitateko Soziologia irakaslea, Ainhoa Larrañaga Mondragon Unibertsitateko Ikus-Entzunezko Komunikazioko irakaslea eta Carlos Vilches Nafarroako Unibertsitate Publikoko Soziologia irakaslea. Gurutze Izagirre BERRIAko kazetaria aritu da moderatzaile lanetan.
.@larranagaelorza: "Ez da atxikimendu eta emozio handiko kanpaina" http://t.co/xixKhSvAhbpic.twitter.com/1g1WR8amRS
— Jon Olano (@olano_urkia) May 21, 2015Herrialdeka aztertu dituzte igandeko bozak, baina Nafarroan sakondu dute batez ere. Tentuz jokatu du Vilchesek, iraganeko esperientziak gogoan: "Coitus interruptus bat dago. Aldaketa dator beti... baina gero frustrazioa". UPNk oinarri zabal bat izan arren, hori aldatzen ari dela uste du: "Demografia UPNren kontra doa".
.@EguzkiUrteaga: "Gauza bat da UPN kentzea; beste bat, zertarako nahi den alternantzia" http://t.co/xixKhSvAhb#M24pic.twitter.com/c9YpAVPC7g
— Jon Olano (@olano_urkia) May 21, 2015Urteagaren iritziz, gobernu aldaketa lehenetsi dute oposizioko indarrek, baina bestelako kontua da gobernua osatzea: "Gauza bat da UPN kentzea; beste bat, zertarako nahi den alternantzia". Geroa Bai eta Ahal Dugu-ren artean "harrapatuta" antzematen du koalizio subiranista, adostasunaren mesedetan soslai propioa "lausotuta".
Vilches, genero berdintasun ezaz: "Hausnarketa zabal bat egin behar da" http://t.co/xixKhSvAhb#M24@berriapic.twitter.com/ttaoAeNJ69
— Jon Olano (@olano_urkia) May 21, 2015Gipuzkoari dagokionez, Larrañagak uste du EH Bilduk ez duela izan "espero zen ausardia", eta hainbat gaitan "zailtasunak" nabaritu ditu EAJ eta koalizio subiranista bereizteko. Hala ere, aitortu du "politika egiteko beste modu bat" egin duela EH Bilduk, eta uste du hondakinen inguruko eztabaida "aspaldi" itxi zela.
Gasteizen, berriz, Javier Maroto alkateak immigranteekiko hartutako jokabidea izan dute eztabaidagai. Vilches: "Ez dakit zein errentagarritasun izango duen etorkinen kontrako aferak". Larrañagaren arabera, ordea, Marotok lortu egin du "bertakoen eta kanpokoen" arteko dikotomia sortzea. Bat dator Urteaga; haren esanetan, Marotok kanpaina "pertsonalista" egin du, PPren ikurra ezkutatuz eztabaida bere figuraren ingurura eramanez.
Bizkaian eta Bilbon ez dute lehiarik ikusten, Urteagaren esanetan, EAJren "feudo" diren neurrian. Oro har, beraz, jokaleku irekiak iragarri dituzte iganderako, eta parte hartze maila "jokoan dagoenaren" araberakoa izatea espero du Urteagak.
