EH Bilduren botoei esker atera da aurrera EAJk hasierako proposamenari jarritako helegitea. Espainiako segurtasun indarrak Bizkai, Gipuzkoa eta Arabatik erretiratzeko EH Bilduk egindako proposamena eztabaidatu dute Gasteizko Legebiltzarrean, baina atzera geratu da, PSE-EEren, PPren eta UPDren kontrako botoen eta EAJren abstentzioaren ondorioz.
EAJk proposamenari egindako aldaketek, ordea, legebiltzarkide gehienen onespena jaso dute, EH Bilduk jeltzaleen helegitea onartzea erabaki ondoren. Autonomia Estatutuak dionera egokitzea eskatu dute, segurtasun indarren eskuduntzak mugatzeko. Jaurlaritzari eskatu diote Espainiako eta EAEko administrazioek ordezkatzen duten Segurtasun Batzordean lan egitea, erretiratzeko irizpideak ezartzeko, gaur egun dauden beharretara egokituta.
