Araban euskararen erabilera indartu nahi du aurtengo Araba Euskaraz-en antolatzaile Amurrioko Aresketa ikastolak. Amurrioko ikastolako lehendakari Aitor Garatek adierazi duenez, "euskararen hedapena eta eboluzioa Amurrion oso interesgarria izan da, azkeneko 20 urteetan".Hala ere, euskararen erabileraren inguruan arazo bat ikusten du Aresketa ikastolako lehendakariak, eta horregatik,bizkaitar eta gipuzkoarrei Araba Euskaraz-era joateko gonbidapena egin die, "euskararen erabilera ziurtatzeko eta bertako jendea motibatzeko".
Bi gune handitan banatutako joan etorriko ibilbide motza izango du aurtengo Araba Euskaraz-ek. Guztira, 1.300 metro izango ditu. Ekainaren 19rako antolatu dituzten kontzertuen artean, SK, Euri Tantak, Kukuma, Bat gehio eta Ken Zazpi taldeen emanaldiak daude.
araba euskaraz
Dena prest ekainaren 19an Amurrion ospatuko den Araba Euskaraz-erako
Ekainaren 19an Amurrion ospatuko da Arabako ikastolen festa =i Ekiozu bideari =i lelopean. Araba Euskaraz-en 25. ediziorako Jose Luis Zumetak egin du logotipoa eta lortutako diruarekin, haur hezkuntzako umeentzako egoitza egokia eta jolasleku estalia egingo dituzte. Antolatzaileek 60.000 pertsona espero dituzte Amurrion.
Iruzkinak
Ez dago iruzkinik
Ordenatu
