PPk eta PSOEk orain urtebete "gerrarako apostua" egin zutela esan du gaur Batasunako bozeramaile Joseba Permatxek, eta Herritarren Zerrendarekin ere jarrera berbera hartu dutela. EA, EAJ, EB-IU eta Aralarrek, berriz, PP eta PSOEren jarrera salatu duten arren,"normaltasun" itxura emanez, ez zegozkien lekuak "lapurtu" zituztela salatu du. Beraz, hitzetatik ekintzetara pasatzeko eskatu die, eta "ez dagozkien" karguetatik dimisioa aurkezteko. Kargua dutenek eta haien atzetik dagoen zerrenda osoak dimisioa aurkeztuz geroalderdiak aukeratzen du ordezkoa. Beraz, dimisioa aurkeztu eta beraien karguak "herritarrek aukeratutakoei" ematea eskatu du, Permatxek.
Batasunako bozeramaileak azpimarratu duenez, Euskal Herria da erakundeetan "herri borondatea islatzen ez den Europako herri bakarra". Gainera, EAJ, EA, EB-IU eta Aralar alderdiek ez dutela hauteskunde emaitzak errespetatzeko borondaterik azpimarratu du.
Politika
Dimititzeko eskatu die Permatxek 500 hautetsiri
Udal eta Batzar Nagusietako hauteskundeak egin zirenetik urtebete pasa denean, baliogabetuak izan arren "aukeratuak" izan ziren AuBko eta herri plataformetako ordezkarien karguak "hartu" zituzten hautetsiei dimititzeko eskatu die Joseba Permatxek. Horrela, posible litzateke, legearen barruan, "herritarrek aukeratutako pertsonek" beraien karguak hartzea. EA, EAJ, EB-IU eta Aralarri hitzetatik ekintzetara pasatzeko eskatu die, eta "ez dagozkien" karguak uzteko exigitu.
Iruzkinak
Ez dago iruzkinik
Ordenatu
