Donostia aldeko campusa 2013an jarriko du martxan MUk

Mondragon Unibertsitateak beste hiru ingeniaritza ikasketa eskainiko ditu datorren ikasturtean: biomedikuntzakoa, energiakoa eta ekoteknologiakoa. Biomedikuntzakoa Arrasaten (Gipuzkoa) emango dute, baina bestea, Oronarekin batera Hernanin (Gipuzkoa) eraikitzen ari diren Orona-Indeo-Innovation City campusean. Gehienez, 50 ikasle egongo dira gradu bakoitzean. «Kopurua malgua da, eta eskaria egongo balitz, aztertuko genuke kopuru hori igotzea», esan du Iosu Zabala errektoreak. Bertako enpresen lehiakortasuna handitzen lagunduko duten ingeniariak prestatzeko beharra nabarmendu du. «Are gehiago egungo krisian».