Herritar batek eman zuen alerta, ikusirik gutunontzia gainezka zela eta autoa ez zuela aspaldi mugitu. Duela urte bat eta erdi zendua zen 71 urteko gizon baten gorpua aurkitu dute Donibane Garazin, bere bizilekuan. Lehengo astean egin zuten aurkikuntza, baina atzo baizik ez zen jakin gertakariaren berri.
Baionako prokuradoreak aginduta sartu ziren jendarmeak gizonezkoaren etxean. Bost urte zeramatzan Donibane Garazin, baina harreman gutxi zuen herrian, eta ez zuen lotura familiarrik. Heriotza naturala izan dela iritzi diote, eta ez dute autopsiarik eskatu.
