Espainiako Kongresuko hauteskundeetarako "erabakitze eskubidearen aldekoen" koalizioa osatzearen alde egin du Aralarrek, eta EAJk aukera horri ezezkoa eman dion arren, asmo hori ez du baztertu. Hala agertu du Patxi Zabaleta Aralarreko koordinatzaile eta Nafarroa Baiko legebiltzarkideak Euskadi Irratiko Faktoria saioan egin dioten elkarrizketan.
Jeltzaleek koalizioko kide ez direla izango argi agertu duten arren, oraindik EArekin eta EBrekin hitzarmena egiteko modua dagoela uste du Zabaletak; hau da, koalizioa EAren, EBren eta Aralarren artean osatzekoa. Areago, Aralarren ahalegina hori izango dela nabarmendu du. "Ezberdinen arteko bilketa bat behar da. Guk uste dugu EA, EB eta Aralarren arteko elkarketa edo koalizioa oraindik ahalbidetzeko modukooa dela. Gu horretan saiatuko gara".
EAJk balizko koalizioaren inguruan hartutako jarrerarekin suminduta agertu da Zabaleta, eta "deitoragarria" iruditzen zaiola adierazi du.
Hauteskundeak martxoan
EA, EB eta Aralarrek koalizioa osatzea oraindik posible dela uste du Zabaletak
Iruzkinak
Ez dago iruzkinik
Ordenatu
