EAEko Auzitegi Nagusiko presidente, Ruiz Piñeiro, Tapia edo Cinto

Espainiako Botere Judizialaren Kontseilu Nagusiak (CGPJ) EAEko Auzitegi Nagusiko presidente kargurako hautagaien artean baztertu egin ditu Juan Luis Ibarra, Garbiñe Biurrun eta Juan Mateo Aiala, eta, beraz, Fernando Ruiz Piñeiro, Jaime Tapia eta Maria Victoria Cinto dira geratzen diren hautagaiak.

CGPJk hilaren 26ko batzarrean hautatuko du hiru horietako bat.

Azken agintaldian Ruiz Piñeiro izan da EAEko Auzitegi Nagusiko presidentea. Tapia eta Cinto Demokraziarako Epaileak taldeko kideak dira. Cinto Gipuzkoako Auzitegiko burua ere bada eta Tapia, berriz, hiruren artean epaile euskaldun bakarra.