EAEko Familiei Laguntzeko Legeak abiarazi dituen politikek duten eragina aztertuko du Familien Behatokiak, eta, bide batez, horien izaera aztertuko du. Eusko Jaurlaritzak sortu berri duen erakunde horren ikerketen emaitzak Familiei Laguntza Emateko Plan berrian islatuko direla aurreratu du Gemma Zabaletak, Lan eta Gizarte Gaietarako sailburuak.
Behatokiaren lan ildo nagusian familia eredu berrietan gertatzen diren rolak aztertzea dago, baita familia barruko indarkeria kasuen gaineko informazioan sakontzea ere. Indarkeria gertatzen den etxeen egoera eta indarkeria kasuen bilakaera zehazten saiatzeko helburua izango du, egoera horiek zuzentzeko politikak abiarazteko.
65.000 euroko aurrekontua du Familien Behatokiak, baina kanpoko enpresek egiten dituzten ikerketak ez dira aurrekontu horren barruan sartzen.
Ia 800.000 familia unitate
2008an, Araban, Bizkaian eta Gipuzkoan 794.387 familia unitate zeuden. %15 seme-alabak etxetik alde egin ostean elkarrekin bizi diren gurasoak ziren. Unitateen %18 pertsona bakarrekoak ziren, gehien-gehienak alargunak edo banandutako pertsonak.
EAEko Familien Behatokia abian da, sendientzako politikak aztertzeko
Gipuzkoa, Bizkai eta Arabako familien rolak eta indarkeria kasuen bilakaera aztertuko ditu, besteak beste
Iruzkinak
Ez dago iruzkinik
Ordenatu
