Donostiako Bilduk EAJren eta PSE-EEren ordezkariekin aste honetan izan dituen hartu-emanak «positiboak» izan direla nabarmendu du Juan Karlos Izagirre koalizioaren alkategaiak, eta agintaldian zehar aipatu bi alderdiekin «akordio zehatzak» egingo dituela adierazi du.
Izagirre ziur azaldu da Bildukhartuko duela hiriburuko udalaren ardura. «Jendeak ez luke ulertuko beste udal gobernu bat», adierazi du. Bihar egingo da udal berria osatzeko saioa. Odon Elorza Donostiako jarduneko alkateak baieztatu du ez dela izango alkate berria izendatzeko udalbatzarrean, eta nabarmendu du agintea «mendekurik gabe» utziko duela. Gobernu aldaketa kalean ospatzera deitu ditu donostiarrak Izagirrek.
Eskaintza Aralarri
Martin Garitano Bilduren Gipuzkoako diputatugai nagusiak, berriz, uste du koalizioak eta Aralarrek akordio bat egingo dutela diputazioan «agintzeko». Garitanok azaldu duenez, Bilduk herrialdeko gobernuan parte hartzea eta batzar nagusietako mahaian eserleku bat izatea proposatu dio Aralarri. EAJri, bestalde, bere jarrera argitzeko exijitu dio.
EAJ eta PSErekin «akordio zehatzak» egingo dituela dio Izagirrek
Udalaren aldaketa kalean ospatzeko deia egin du Bilduk; Elorza, berriz, ez da izango batzarrean
Iruzkinak
Ez dago iruzkinik
Ordenatu
