Batasunaren ilegalizazioa

EAJko hautetsirik ez da izango ezker abertzaleko Udalbiltzaren biharko bileran

Ezker abertzaleko Udalbiltzak bihar Tolosan batzartzeko deia egin die Euskal Herriko hautetsi guztiei, azken hauteskunde prozesuan izan diren galarazpenek Udalbiltzan bertan zein instituzioetako ordezkaritzan eragin dituen arazoak aztertu eta nola bideratu ikusteko. EAJko hautetsirik ez dela Tolosan izango iragarri du Xabier Arzalluz alderdi horretako lehendakariak.

2003ko ekainaren 20a

16:38

Entzun 00:00:00 00:00:00

Horrez gain, Carlos Urquijo PPko legebiltzarkideak Udalbiltzaren biharko batzarra galarazteko eskatu dio Javier Balza Jaurlaritzako Barne sailburuari. Zehatzago, ekitaldia ez al duen eragotziko galdetu dio.

Legebiltzarreko idatzizko galdera baten bidez egin du argibidearen eskaera, eta testuan, Udalbiltzaren biharko batzarra debekatu egin beharko litzatekeela dio. Urquijoren arabera, Batasunako zinegotzi ohiek deitzen dute biharko bilera, eta ilegalizatutako alderdi bateko kide diren heinean ezin dute ekitaldi publikorik antolatu.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak