EAk «bukatutzat» jo du estatutu aldaketaren kontrako prozesu judiziala

GASTEIZ. Gasteizko epaitegiak eta Arabako Probintzia Auzitegiak uko egin diete EAko kritikoek XIII. Biltzar Nazionalaren kontra jarritako helegiteari eta iazko azaroko kongresuko erabakiak behin-behinean etetea eskatzen zionari, eta EAko zuzendaritzak «bukatutzat» jo du auzibidea. Kritikoek, berriz, nabarmendu dute ildo hartako bost kideren militantzia ez zela legez eten, beste epai baten arabera.