EB-Berdeek erabakitzeko eskubidea eskatu dute

Behin indarkeriaren arazoa gaindituta, euskal gatazka «erabakitzeko eskubidearen bidez» konpondu behar dela esan du Raquel Modubar Ezker Batua-Berdeak alderdiko Bizkaiko zerrendaburuak. Haren esanetan, «herriaren hitzari ez zaio beldurrik izan behar». Horregatik, Modubarrek aurreratu du gisa horretako erreferendum bat egingo balitz EB-Berdeak alderdiak atxikimendu libre batean oinarrituko litzatekeen federalismoaren alde egingo lukeela. Egoera hori antzezteko, hauteskunde mahai bat jarri zuten atzo goizean, eta ingurutik igarotzen ziren herritarrei zein ereduren alde egiten zuten galdetu zieten: autonomia, independentzia edo atxikimendu libreko federalismoa.