Lopezen arabera, EAEko "benetako egoera ekonomiko eta sozialaren berri jakiteko modua" eskainiko du behatoki horrek. "Ondorioz, arriskuan dauden talde, kolektibo eta inguruak, zailtasunak dituzten enpresak, eta ikuspuntu sozial batetik interesa duen guztia ezagutu ahal izango dugu. Datu horien bidez, propaganda ofizialak aurkezten digunaz bestelako errealitatea ikusiko da; hau da, herritarrek bizi duten errealitatea. Ikusteko ez ezik, arazo horiei irtenbideak proposatzeko balioko du", azaldu du Lopezek.
"Sozialistoi askoz ere gehiago interesatzen zaigu errealitatearen azterketa —irtenbideak emateko eta hobeto bizitzeko balio baitezake— zertarako balio duen ez dakigun eraikuntza nazionala baino", azpimarratu du.
Politika
"Egiazko Euskadiren behatokia" sortuko du PSE-EEk, datu ekonomiko eta sozialak biltzeko
Sindikatuetako ordezkariek, gizarte kolektiboek, enpresaburuek eta alderdiko ordezkariek osatuko dute PSE-EEk martxan jarriko duen "egiazko Euskadiren behatokia". Datu ekonomiko eta sozialak biltzea da behatoki horren egitekoa, hain justu, hortik abiatuta arazoak non dauden ikusi eta irtenbideak proposatzeko. Aldiro-aldiro datu horiek argitaratuko dituztela jakinarazi du Patxi Lopez PSE-EEko idazkari nagusiak.
Iruzkinak
Ez dago iruzkinik
Ordenatu
