Enrique Molina fiskalak esan duenez, litekeena da Egin egunkariaren inguruko dokumentuak Auzitegi Nazionalean izan ziren uholdeetan galtzea, eta berak kopiak dituen arren, onartu du horien erabilpena ez litzatekeela oso legezkoa izango. Dena den, epaileak horiekin aurrera egitea erabaki du. Jose Mari Elosuak, defentsaren abokatuak, dokumentu horiek inork ikusi ez dituenez, ez direla existitzen erabakitzeko eskatu dio epaimahaiari.
Datorren astelehenera arte atzeratu egin da epaiketa, dokumentuen kopia horiek aztertu ahal izateko. Bitartean, defentsak helegitea jar dezake.
Hori erabaki aurretik, gizeko saioaren hasieran fiskalaren lekuko den polizia deitu du epaimahaiak deklaratzera, baina gaur ere ez da agertu, eta beraz, fiskalak uko egin dio.
18/98 auzia
Egin-en kontrako dokumentuen kopiekin epaiketak aurrera egitea erabaki du epaileak
Fiskalaren eskaera onartu du epaimahaiak eta Egin-en kontrako auziko 200 dokumentuen kopiekin aurrera egitea erabaki du epaileak, fiskalak berak hori egitea ez dela oso legezkoa onartu duen arren. Jose Mari Elosua defentsaren abokatuak agertzen ez diren dokumentuak ez direla existitzen erabakitzeko eskatu dio epaimahaiari, baina aurrera egitea erabaki dute eskaera kontuan hartu gabe. Datorren astelehenera arte bertan behera geratu da epaiketa.
Iruzkinak
Ez dago iruzkinik
Ordenatu
