GERTAKARIA

Eguerdirako itzali dute Antsoaingo sutea

Goizaldean izan da ezbeharra, Macru enpresan. Ez da zauriturik izan. Zallan etxalde bat erre eta barruan zeuden animaliak hil dira.

2011ko ekainaren 24a
15:23
Entzun

Eguerdi aldera tzali dute gaur goizean Antsoainen (Nafarroa) piztu den sutea. 06:15ean piztu da sua Macru enpresan. Bi ordu baino gehiagoz izan dira suhiltzaileak sua itzaltzen. Oraindik argitu gabe daude sua piztea eragin duten arrazoiak. Ez da zauriturik izan, baina hainbat anbulantzia ere hurbildu dira ingurura badaezpada ere.

Egur piezak egiten dituzte enpresa horretan eta material horrek sua hedatzen lagundu du. Suhiltzaileen lan azkarrak, baina, eragotzi egin du sua gehiago hedatzea. Enpresaren hiru industria-barneetatik bakarra kiskali da, 100 bat metro karratu.

Zallan ere (Bizkaia) sutea piztu da Oreña auzoko etxalde batean, eta barruan zeuden animali guztiak hil dira. Ertzaintzak jakinarazi duenez, 80 untxi, 40 oilo, bi arkume eta hiru txakur hil ditu suak. Goizaldeko 01:00ak inguruan hais da sutea, lehen datuen arabera inguruan piztuta zegoen su batek eraginda. 

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.