Euskal PENeko zuzendaritzako kide Urtzi Urrutikoetxeak eta Lutxo Egiak Writers in Prison Committee batzordeko bileran parte hartuko dute asteburu honetan, Glasgown (Eskozia). WIPC-ren eskariz, Egin eta Egunkaria-ko kazetarien egoerari buruzko txostena aurkeztuko dute; hain zuzen, Egin-eko zuzendaria, Jabier Salutregi, eta zuzendariordea, Teresa Toda, kartzelan direla eta Euskaldunon Egunkaria-ko kideek bide beretsua segitu dezaketela azalduko dute bi euskal ordezkariek batzordean.
Haren babesa jasotzea da Euskal PENen helburua, heldu den irailean Kolonbian egingo den International PEN kongresuan euskal kazetarien aldeko ebazpena aurkeztu ahal izateko.
'Egunkaria' eta 'Egin' hizpide izango ditu Euskal PENek Glasgown
Iruzkinak
Ez dago iruzkinik
Ordenatu
