Gay eta lesbianen eskubideen aldeko eguna

Ekitaldi ugari egingo dituzte homosexualeen elkarteek homofobia salatzeko

Lapurdin, Miarritzen, astebete pasatxo aurreratu zuten Gay eta Lesbianen Eskubideen Aldeko Eguna, baina Euskal Herriko leku gehienetan —nazioartean bezalaxe— gaur plazaratuko dira ozen homosexualen aldarrikapenak. Esate baterako, Bilbo, Donostia, Gasteiz eta Iruñean manifestazioak egingo dira 20:00etan. Manifestazio horiek, batetik, ospakizun kutsua izango dute Espainiako Kode Zibilaren aldaketak eskubide aitorpen handiak egiten dituelako. Dena den, salaketa ez dute ahantziko, egunerokoan, oraindik, homofobia agerpenak asko direla uste baitute gay eta lesbiana taldeek.

2005eko ekainaren 28a

11:32

Entzun 00:00:00 00:00:00

Ildo horretatik, EHGAM Euskal Herriko Gay Askapenerako Mugimenduak "askapen homosexualaren prozesuan nolabait lagundu duten pertsona, elkarte edo erakundeak" saritzen ditu urtero egun honen kariaz; halaber, jarrera homofobikoak zigortzen ditu. Aurten, Urrezko Hirukia Lesbiana Feministen kolektiboak jasoko du. Trapuzko Espartina berriz, Espainiako Botere Judizialeko Kontseilu Nagusiari eta Aquilino Polainori emango diote.

Ekitaldi intituzionalik ere izango da: eguerdiko 13:00etan Bilboko Udaletxeko Arabiar aretoanBizkaiko Gay eta Lesbianen Elkarteei harrera egingo dei Bilboko alkate Iñaki Azkunak eta Udalbatzarrak.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak