Mila eguneko espetxealdia salatu eta gazteei elkartasuna adierazteko, Altsasuko Gurasoek eta Altsasukoak Aske plataformak egun osorako egitaraua prestatu dute gaurko, 1000 egun, mila mezu, mila muxu! Altsasukoak aske! lelopean. Lehen ekitaldia 09:30ean hasi da: Unanutik (Nafarroa) Beriain mendira igo dira. Bertan, eskurik esku ibiliko den mezu liburu bat aurkeztu dute eguerdian, eta edozeinek izango du aukera liburuan bere mezua idazteko.
Beriaindik Altsasura eramango dute liburua. 20:00etan, elkarretaratze bat antolatu dute Altsasuko Foruen plazan, eta mural bat osatuko dute, gazteak aske utz ditzatela eskatzeko. Era berean, erakusketak, bideo proiekzioak eta bestelakoak jarri dituzte ikusgai. Horrez gain, herritarrei eskatu diete gazteen aldeko mezuak zabaltzeko sareetan, #AltsasukoakAske traola erabiliz.
Dei horrek erantzun zabala izan du sare sozialetan, hainbat herritarrek idatzi batituzte gazte espetxeratuen aldeko mezuak. Tartean, Quim Torra Kataluniako Gobernuko presidenteak idatzi du, euskaraz:
Gaur Jokin, Oihan eta Adurrekin, espetxeratuta 1.000 egun bete dituzten altsasuar gazteekin. Ez zaituztegu ahazten. Berehala aske uztea exijitzen dugu. Elkartasuna adierazi nahi diegu beraiei eta beraien familiei eta Euskal Herri osoari #AltsasukoakAskepic.twitter.com/HtVceHjc8v
— Quim Torra i Pla (@QuimTorraiPla) August 10, 2019
1000 egun, 1000 mezu, 1000 muxu, AURRERA ALTSASU!
— Ane Etxeberria (@etxebe_2) August 10, 2019
Amesgaizto hau aspaldi luzatu zen gehiegi! #AltsasukoakAskepic.twitter.com/FbgAi4knAS
1000 days since the @Altsasugurasoak, a group of young people, have been in jail because of a pub fight with people that turned out to be part of the Spanish paramilitary police.
— Zahia (@ZahiaGC) August 10, 2019
This is just another example of how arbitrary the Spanish judiciary system is #AltsasukoakASKEpic.twitter.com/AWZLIpPYuu
Gaur Altsasuko gazteek 1000 egun bete dituzte kartzelan. Duela urtebete, @Altsasugurasoak Donostian izan ziren, Aste Nagusi Piratako txupinazoa bota eta #AltsasukoakASKE oihukatzeko. Aurten ere, besarkadarik beroena bidali nahi dizuegu! #MaiteZaituztegu#ANPirata19#IzanPiratapic.twitter.com/LrYTPQdd1C
— Donostiako Piratak (@izanpirata) August 10, 2019
1000 besarkada Altsasuko gazteei Mutrikutik! #AltsasukoakASKE#MuntaiPolizialikEZpic.twitter.com/U6EONJAUPb
— Mait ✊ (@maitle1403) August 10, 2019
Abuztuak 10. Gaur Mendigorriatik irten gare goizean Unanuaruntz. #AltsasukoakASKE aldarrikatzeko Beriain mendiraino. Unkigarria. pic.twitter.com/ISLqICS62W
— Peli Beltran d H. (@peli_d) August 10, 2019
Gazte auzipetuen senideak irailaren 18ra begira daude orain. Izan ere, Espainiako Auzitegi Gorenak egun horretan bertan aztertuko du Auzitegi Nazionalak ezarritako zigorren aurka Altsasuko gazteen defentsak jarritako helegitea. Amaia Amilibiak, Jon Ander Cob gazte espetxeratuaren amak, egoerari "irtenbide bat" ematea espero du irailaren 18ko erabakiaz: "Semeei jarri zaien zigorra ez dator bat gau hartan jazo zenarekin; honek konponbide bat behar du. Epaiketan deklaratu zuten 56 testiguren eta 11 perituren hitzaldiak isilduak izan dira; ez dira sententzian agertzen, horiek guztiek, lesio txostenek eta bideoek kolokan jartzen baitute liskar bortitzaren bertsioa".
