"Oso ondo iruditzen zaigu Zapaterok eta beste ordezkari politiko batzuk elkartzeko zein parte-hartze eta antolaketa politikorako eskubidea aldarrikatzea, baina Zapatero jauanari eta osterantzeko politikariei esan nahi diegu elkartzeko eskubidea eta, oro har, herritarren eskubide zibil eta politikoen multzoa bermatzeko, ezinbestekoa dela Alderdien Legea indargabetzea", esan du Permachek.
Batasuneko mahaikidearen arabera, Espainiako Alderdien Legeak oso ondorio larriak izan ditu, hala nola, instituzioetan herri borondatea ez islatzea, zenbait talde legez kanpo uztea eta jende asko auzipetzea.
Hori guztia dela eta, elkartzeko eta parte-hartzeko politikorako eskubidea bermatzeko eman beharreko urratsa Alderdien Legea indargabetzea dela azpimarratu du, "PPrekin, frankismoaren oinordekoekin, hitzartutako lege bidegabe hori kentzea".
Politika
Elkartzeko eskubidea bermatzeko Alderdien Legea indargabetzea ezinbestekoa dela erantzun dio Batasunak Zapaterori
Batasunak BECen egitekoa duen batzar nagusiaren harira sortu den ika-mikan, norbanakoen elkartzeko eskubidea errespetatu egin behar dela adierazi zuen atzo Jose Luis Rodriguez Zapatero Espainiako Gobernuko presidenteak. Baieztapen horri erantzunez, elkartzeko eskubidea egiaz bermatzeko Espainiako Alderdien Legea indargabetzea ezinbestekoa dela erantzun dio gaur Joseba Permach Batasuneko bozeramaileak, eta urrats hori emateko eskatu dio.
Iruzkinak
Ez dago iruzkinik
Ordenatu
