Trafiko arduradunek emandako azken datuen arabera, Hego Euskal Herrian N-121-Arako sarrera hori da itxita dagoen errepide bakarra. Oraingoz, lehen eta bigarren mailako errepide sare eta mendateetan ez dagoela besterik itxita agertu dute. Dena den, elurra ari du leku askotan, eta, beraz, litekeena da orduek aurrera egin ahala bideren batzuk ixtea edo arazo handiagoak sortzea.
Nolanahi ere, leku gehienetan arreta handiz gidatu behar da, elurragatik ez ezik, baita izotzagatik ere. A-8 autopistan bertan arazo handiak izan dira goizean izotzarekin, eta gauza bera gertatu da errepide berean Pausutik Baionara bitartean. Arabako Diputazioak Herrera y
Orduñako portuetan kontuz ibiltzeko deia luzatu dute elurra eta izotza direla medio istripuak gertatzeko arriskuak handiak direlako.
Informazio zehatzagoa:
EAEri buruzkoa .
Nafarroari buruzkoa .
Ekaitza
Elurra eta izotza arazoak eragiten ari dira errepideetan
Izotzagatik, eta, batik bat, elurragatik, txuri esnatu dira gaur Euskal Herriko toki asko. Une honetan Barazar (Bizkaia) itxita dago une honetan ibilgailu guztientzat. Goiz osoan txapa istripu ugari izan dira Euskal Herriko leku askotan: Esate baterako, N-1 errepidean, Lasarte (Gipuzkoa) parean, Donostiarako noranzkoan, bost autok elkar jo dute, eta bide bat itxita egon da. N-121-A errepidea, berriz, elurra tarteko hainbat kamioi trabatuta geratu dira, eta zorua ondo garbitu bitartea itxi egin dute. Ondorioz, Irun aldetik Iruñera joan behar izanez gero, A-15a hartzea aholkatu dute. Oro har, Euskal Herri osoko errepideetan arreta handiz ibiltzeko aholkua eman dute. Oraindik ere elurra ari du zenbait lekutan.
Iruzkinak
Ez dago iruzkinik
Ordenatu
