Ertzaintzak emakume bat atxilotu du gaur Gernika-Lumon (Bizkaia), iazko azaroaren 22an bikotekidea hiltzea egotzita. Iturri ofizialek auzokide baten deia jaso zuten. Emakumeak laguntza eskatu zion hari, senarra hilik «topatu» zuela eta; emakumearen arabera, ohetik erori zen. Gerora egindako autopsiaren bidez Ertzaintzak ondorioztatu zuenez, ordea, biktimak indarkeria zantzuak zituen buruan eta gorputzeko hainbat ataletan.
Atxilotutako emakumea komisariara eraman dute lehenik, eta Gernika-Lumoko guardiako epaitegira eramatekoak dira gero.
