Emakumezko bat hil da A-12 errepidean, Torres del Rio udalerrian (Nafarroa), kamioi batek haren autoa jo ostean. Ezbeharra 12:02 aldera gertatu da, errepide horretako 69. kilometroan. Foruzaingoa gertatutakoa ikertzen ari da.
Nafarroako SOS Deien arabera, emakumearen autoa geldirik zegoen, eta kamioiak hura jo du. Bi ibilgailuak irauli egin dira, eta emakumea harrapatuta geratu da auto barruan. Lizarrako suhiltzaileak, bi anbulantzia, Foruzaingoa eta helikoptero medikalizatu bat bertaratu dira. Suhiltzaileek atera dute autotik, baina, osasun zerbitzuek heriotza baieztatu besterik ezin izan dute egin. Kamioiko gidaria, berriz, Lizarrako ospitalera eraman dute.
