Ertzaintzak gizonezko bat atxilotu zuen atzo Bilbon, Autonomia kalean, bikotekidea jo egin zuelako ustez. Biktima -emakumea- Basurtuko Ospitalera eraman behar izan zuten, arta zezaten, Eusko Jaurlaritzaren Herrizaingo Sailak esan duenez.
Gaueko hamaikak aldera izan zen gertaera. Ertzainek haien etxera joateko abisua jaso zuten, eraso bat zegoelakoan. Emakumeak aurpegian eta lepoan zauriak zituela ikusi zuten poliziek, eta hark esan zien bikotekideak jo zuela. Etxean bertan zegoen gizonezkoa, eta atzeman egin zuten.
Biktimak ospitalean segitzen du, aipatutako zauriez gain hatz bat hautsia duelako.
Emakumeen kontrako indarkeria
Emakume bat ospitalera eraman dute, bikotekideak ustez jo eta gero
Ertzainek atxilotu egin dute gizonezkoa, Bilbon.
Iruzkinak
Ez dago iruzkinik
Ordenatu
