Poliziek eta suhiltzaileek emakume baten gorpua aurkitu dute gaur Arga ibaian. Gorpua Burlata (Nafarroa) parean zegoen. 80 urteko emakume bat desagertu zen atzo Burlatan bertan, eta poliziak eta suhiltzaileak hura bilatzeko lanetan ari ziren. Ez dute baieztatu hilda aurkitutako emakumea Burlatan desagertutakoa ote den.
Burlatako 80 urteko emakume baten senideek atzo jakinarazi zuten etxean falta zela. Haren bila hasi ziren suhiltzaileak, foruzainak eta Atarrabiako eta Burlatako udaltzainak. Suhiltzaileen urpekariak eta helikopteroa ere aritu dira emakumearen bila.
