Emakume baten gorpua aurkitu dute gaur arratsaldean Bilboko itsasadarrean, Barakaldo aldean (Bizkaia). Inguruan zebilen pertsona batek ikusi du gorpua, eta larrialdi zerbitzuei abisatu die, Eusko Jaurlaritzako Segurtasun Sailak erran duenez.
Bilboko Udaltzaingoa, Ertzaintza eta suhiltzaileak bertaratu dira. Ez dago argi zer gertatu zaion aurkitu duten emakumeari, eta Auzitegi Medikuntzako Euskal Institutura eramanen dute autopsia egitera. EFE albiste agentziak adierazi du Bilboko Udaleko iturriek aurreratu dutela adineko emazteki bat dela.
