Emazteki baten gorpua aurkitu zuen atzo laborari batek Gasteizko Lasarte kontzejuan. Maiatz akaberatik Gasteizen desagertuta dago emakume bat, eta litekeena da gorpua harena izatea, polizien arabera. Izan ere, lehenbiziko ikerketen arabera, gorpuaren ezaugarriak bat datoz desagertutako emakumearenekin. Europa Press berri agentziaren arabera, alzheimerra zuen 72 urteko emakume bat zen desagertutakoa.
Ertzaintzak ikerketa abiarazi du, eta Auzitegi Medikuntzako Euskal Institutura eraman dute gorpua, autopsia egiteko.
