Joan den ostegunean desagertutako emakumearen gorpua aurkitu dute gaur Zadorra ibaian, Gasteizko Abetxuku auzoan. Senideek eman zuten haren desagerpenaren berri. Ordutik, haren bila ibili dira, eta indarkeria zantzurik gabe topatu dute gaur. 80 urte zituen.
Eusko Jaurlaritzako Segurtasun Sailak gaur goizean baieztatu du hilotza aurkitu dutela, eta litekeena zela joan den ostegunean desagertutako emakumezkoa izatea. Polizia eta auzitegiko langileak gorpua aurkitu duten tokira hurbildu dira hildakoa identifikatzera.
