Eusko Jaurlaritzako Segurtasun Sailak jakinarazi duenez, Donostiako Gros auzoko etxebizitza batean gertatu da erasoa. Emakume batek Ertzaintzara deitu du atzo goizaldean, ohartaraziz bikotekideak jo egin duela. Bertara joan da Polizia, eta baieztatu du andreak zauri bat zuela kopetan eta odola zeriola. Hark ertzainei azaldu dienez, eztabaidan ari zirela, gizonezkoak katilu batekin jo du aurpegian.
Osasun zerbitzuek artatu dute biktima. Etxetik joana zen bikotekidea, eta eraikinaren inguruetan topatu dute ertzainek. Atxilo hartu dute, genero indarkeria egotzita.
