Udako jaien atarian, Emakundek eta Eudelek formakuntzak antolatu dituzte Arabako, Bizkaiko eta Gipuzkoako udaletako politikariekin eta teknikariekin, festetako eraso matxistak prebenitzeko asmoz. Gaur egin dute lehen bilera Arabako udalekin, eta datorren astean jarraituko dute: astelehenean bilduko dira Bizkaikoekin, eta asteartean Gipuzkoakoekin.
Nerea Melgosa Eusko Jaurlaritzako Berdintasun sailburuak formakuntzon garrantzia nabarmendu du. Haren esanetan, prebentzioa «oso garrantzitsua» da udako festetarako, baita administrazio guztiek arlo horretan koordinatuta lan egitea ere. Gehitu du: «Ez jaiak, ez alkoholak ez dute justifikatzen pertsonekiko errespetuan oinarritzen ez den jarrerarik».
Horrez gainera, Emakundeko zuzendari Miren Elgarrestak jakinarazi du udalen eskura jarrri dutela zenbait material: gazteentzako informazio liburuxka bat, erasorik gabeko jaien aldeko kartela...
