Auto batek eta anbulantzia batek talka egin zuten atzo Beskoitzen (Lapurdi), D21 errepidean. Autoaren gidaria, Mauleko emazte bat, larri eraman zuten Baionako ospitalera, eta han zendu zen, gaur jakin denez.
Anbulantziako hiru bidaiariak ere ospitalera eraman zituzten, zauri arinak zituztela. D21 errepidea moztuta eduki zuten bi orenez, eta horren ondorioz auto ilarak sortu ziren A64 autobidean, Beskoitzeko ordainlekuko irteeretan.
Hazparneko kuarteleko (Lapurdi) jendarmeek ikerketa bat hasi dute istripuaren nondik norakoak argitzeko.
