Bi euskal preso utzi dituzte gaur aske. Bietan azkena, Zarrabeitia. Zigorra betea zuen Frantzian, eta iragan astean Espainiaratu zuten, Joanes Larretxearekin batera. Soto del Real espetxean izan dute ordutik. Pablo Ruz Espainiako Auzitegi Nazionaleko epaileak Zarrabeitiaren aurkako sumarioa zabalik mantenduko du, baina aske geratu da, fidantzarik gabe, epaiketa egin bitartean.
Ahotsa.info atariak eman du Olaizen askatasunaren berri, goizean. 2001ean atxilotu zuten, eta espetxe ugaritan egon da sakabanatuta, azkenekoz, Almerian (Espainia). Iruñean da dagoeneko.
