Berriro ere euskararen aurkako epai bat: Donostiako Administrazioarekiko Auzien Lehenengo Epaitegiak ebatzi du Eibarko (Gipuzkoa) udaltzain lanpostu bat egonkortzeko deialdian hautagaiek ez dutela euskara maila frogatu beharko.
EITBk jakinarazi duenez, epaitegiak partzialki onartu du hautagai baten helegitea. Pertsona horrek 30 urte daramatza lanean udaltzain, eta, helegitean jarri zuenaren arabera, «baztertzailea» da euskaraz jakitea eskatzea. Donostiako epaitegiak arrazoia eman dio, eta Eibarko Udalari pertsona horren merituak kontuan hartzeko eskatu dio, «prozesuan euskararen ezagutza baztertzailea izan gabe».
Orain, apelazio errekurtsoa aurkez daiteke, eta bi aldeek aukera dute hamabost egunen buruan ebazpenari helegitea jartzeko.