euskal herria

Erabakiak hartzea errazteko pausoak emateko eskatu dio Diezek Zapaterori

LABeko idazkari nagusi Rafa Diezek Espainiako gobernuburu Jose Luis Rodriguez Zapaterori "pauso zehatzak" emateko eskatu dio, "alde guztiei erabaki garrantzitsuak hartzea errazteko; bai alderdi politikoei eta baita ETAri ere". ETBko 'El Punto' saioan egin dioten elkarrizketan azaldu duenez Zapaterok emandako pauso "interesgarrien" ondotik, "hitzetatik ekintzetara" pasatzeko garaia iritsi da, "atzera bueltarik ez duen elkarrizketa eta negoziazio politikoaren prozesu bat abiatzeko".

2005eko urriaren 6a

13:23

Entzun 00:00:00 00:00:00

Diezen iritzian ezker abertzaleak egin ditu ekarpen gehien: "pausoak eman ditu eta gehiago emateko asmoa du". Anoetan Orain herria orain bakea proposamena egin zutenetik ezker abertzaleak "konpromisoak" hartu dituela, eta ETAk "irtenbideak lortzeko agertoki bat eraikitzeko nahia" azaldu duela gogorarazi du. Azaldu duenez gustura ikusiko luke PSOEren, EAJren eta besteen "jarrera aldaketa", "gisa horretako prozesua abiatzeko".

Bake lortzeko gakoa "lurraldetasuna eta autodeterminazio eskubidea" direla argitu dio Diezek Zapaterori.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak