Sute bat izan da Abusu auzoko Zamakola kalean, Bilbon, eta 78. zenbakiko eraikina hustu behar izan dute. Jada bizilagunak itzuli dira haien etxeetara.
Sua garaje batean sortu da, bart gaueko hamabiak pasatxo zirela; auto batek su hartu du, eta ingurukoetara zabaldu da. 11 hilabeteko haur bat eta gizon bat Basurtuko ospitalera eraman behar izan dituzte, kea arnastu dutelako.
Suhiltzaileek han jarraitu dute 08:00ak arte, azken sugarrak itzali nahian. Inguru horretan errepidea itxi dute, eta 56 autobus linearen geltokia lekuz aldatu dute.
