Nekane Erauskin eta Karmele Berasategi EHAK-ko legebiltzarkideek EAEko Auzitegi Nagusian deklaratu dute gaur, Bilbon, alderdi hori bide penaletik legez kanporatzeko Baltasar Garzon epaileak abiatutako auzian, eta Erauskinek Espainiako Alderdien Legea deuseztatzeko eskatu du. Garzonen arabera, ETAri laguntzeko tresna da EHAK, eta, ondorioz, ETAri laguntzea egozten die bi legebiltzarkideei.
Gaur Erauskinen eta Berasategiren txanda izan da, eta bihar EHAK-ko presidenteak eta diruzain biek deklaratu beharko dute: hurrenez hurren, Juan Carlos Merinok, Jesus Mari Agirrek eta Sonia Jacintok. Haiei ere ETAri laguntzea egozten die Garzonek.
Garzon epailearen bidez Espainiako Auzitegi Nazionalak abiatu zuen EHAKren kontrako auzibide penal hori, baina Erauskin eta Berasategi legebiltzarkideak, eta, ondorioz, forudunak direnez, EAEko Auzitegi Nagusiaren esku geratu da.
Politika
Erauskinek Alderdien Legea deuseztatzeko eskatu du EAEko Auzitegi Nagusian
Karmele Berasategi eta biak deklaratzen izan dira. EHAK legez kanpo uzteko Baltasar Garzon epaileak bide penaletik abiatutako auzian inputatu dituzte. ETAri laguntzea egozten diete. Bihar EHAK-ko presidenteak eta diruzainek deklaratuko dute.
Iruzkinak
Ez dago iruzkinik
Ordenatu
